.png){kind=small}
A Cámara de Vigo presenta aos empresarios o Servizo de Intelixencia Tecnolóxica Internacional
Luns 08 de Novembro de 2010
Fomentar a competitividade das pymes viguesas nos mercados internacionais. Con este obxectivo nace o Servizo de Intelixencia Tecnolóxica Internacional, SITI, o novo programa posto en marcha pola Cámara de Comercio de Vigo en colaboración co Consello Superior de Cámaras e que será presentado mañá ás empresas da demarcación cameral ás 17 horas. Durante hora e media as pymes recibirán información dos requisitos a cumprir para beneficiarse do devandito Programa, o seu funcionamento e as posibilidades competitivas que implica a aplicación da Intelixencia Tecnolóxica na súa empresa.
